..অনুৰাগৰ তৎপৰতাতে প্ৰাণজিত নামৰ দুধৰ্ষ সন্ত্ৰাসবাদীটো ধৰিবলৈ অসম আৰক্ষী সক্ষম হৈছিল।- D.G.P. ভাস্কৰ বৰ্মাই ক'লে। তেখেতে পুনৰ ক'লে-' অনুৰাগৰ কুংফুৰ কিকত প্ৰাণজিতৰ সংগী ধাৰাসায়ী হৈছিল আৰু তেনে সুযোগতে অসম পুলিচবাহিনীয়ে প্ৰাণজিতক গ্ৰেপ্তাৰ কৰিবলৈ সক্ষম হৈছিল। কেৱল এয়াই নহয় , তেওঁ বন্ধুকধাৰী সকলো সন্ত্ৰাসবাদীক কাবু কৰি অতি সাহসেৰে সিঁহতৰ গোপন ঘাটি উদ্ঘাটন কৰি অপহৃত গৃহ মন্ত্ৰীৰ তনয়াক উদ্ধাৰ কৰাত গুৰুত্ব ভূমিকা পালন কৰিছিল। গতিকে চৰকাৰৰ তৰফৰ পৰা সাহসিকতাৰ বঁটা হিচাপে 'গল্ড মেডেল ' প্ৰদান কৰা হৈছে। লগতে অসম চৰকাৰে S.P. হিচাপে নিযুক্তি পত্ৰ প্ৰদান কৰিছে।'
.... আহ ! কি আনন্দ সকলোৰে। দেউতাই ৰঙতে পাৰ্টিয়ে বহাই দিলে । গাঁওখনৰ প্ৰায় ভাগেই উবুৰি খাই আহিল। ছাগলী এটা মৰা হ'ল। ধুমধামেৰে আয়োজন চলিল। সকলোৱে আহি মোক অভিনন্দন জনালে। অলপ পিছতে খোৱা-বোৱা আৰম্ভ হ'ল। সকলোৱে খোৱাত মগ্ন। ময়ো খাবলৈ বহিলো। তৰকাৰী খন ই .মান ভাল হৈছে।সি ডাঙৰকৈ মাংস এডোখৰ লৈ চোবাব ধৰিলে ।আহ, কি সোৱাদ। তেনেতে........
'ঐ বাবাটো উঠ । ফস্তিমাৰি শুই থাক। শুই থকা শিয়ালে হাঁহ ধৰিব নোৱাৰে। হেই.... হেই উঠ কৈছোঁ নহয়। গাৰুটো চেলেকি, সাবতি ফালিবা এতিয়া।' একে হেচুকতে অনুৰাগ টোপনিৰ পৰা ধৰফৰাই উঠিল।
"ধ্যেৎ চাল্লা ,তাৰমানে মই ইমান সময় সপোনহে
দেখি আছিলোঁ। ইমান সুন্দৰ সপোন আছিল। এই ৰুমী...ৰুমী বাৰু কোন আছিল ! S.P. চাকৰি ! সঁচাকৈ ফলিয়াব নে সপোনটো ? " সপোনটোৰ কথাকে ভাবি ভাবি সি মুখ ধূবলৈ টিউব'ৱেলৰ দিশে অগ্ৰসৰ হ'ল।......
