চৌকাৰ চাই
চৌকাৰ চাই হ'ল কাঠখৰিৰ দাহ্য সামগ্ৰী। অসমৰ বিভিন্ন জাতি, জনগোষ্টীৰ লগত ইয়াৰ নিবিড় সম্পৰ্ক আছে।
আজিৰ পৰা ১০-১৫ বছৰৰ আগতে অসমৰ মানুহ খৰিৰ ওপৰত নিৰ্ভৰশীল আছিল। ভাত ৰন্ধা, বিভিন্ন বস্তু সিজোৱা ক্ষেত্ৰত, দহা,বিয়া, সবাহ আদি বিভিন্ন উৎসৱ পাৰ্বনত খৰিৰে জুই ধৰি বস্তু ৰন্ধা কাৰ্য সম্পন্ন কৰা হৈছিল।
আজিৰ সময়ত খৰি ব্যৱহাৰৰ পৰিমাণ হ্ৰাস হোৱা পৰিলক্ষিত হৈছে। ইয়াৰ কাৰণ হৈছে হাবি জংগলৰ গছ গছনি জধেমধে কটাৰ ফলত খৰিৰ বাবে গছ গছনি নাটনি। ইয়াৰ উপৰি ঘৰে ঘৰে বিনামূলীয়া গেছ চৰকাৰে যোগান ধৰাৰ বাবে কাঠখৰিৰ ওপৰত থকা নিৰ্ভৰশীলতা কিছু কমিছে।
গতিকে আজিৰ প্ৰজন্মৰ কিছুমানে চৌকাৰ চাই বুলিলে আচৰিত নহ'ব যে তাক নুই কৰিব নোৱাৰি। আখলত জুই জ্বলোৱা ফলত সৃষ্টি হোৱা দাহ্য পদাৰ্থই হ'ল চৌকাৰ চাই। অসমৰ মানুহৰ ই বৰ লাগতিয়াল দ্ৰব্য। ভিমবাৰ সৃষ্টি হোৱা আগতে অসমৰ সমাজ ব্যৱস্থাত চাই বিভিন্ন বাচন বৰ্তন ধুবলৈ নিতৌ ব্যৱহাৰ কৰিছিল। চাই হ'ল ক্ষাৰকীয় পদাৰ্থ গতিকে ইয়াৰ সহায়ত বাচন সহজে চাফা হয়।
বৰ্তমান এই চাই অনলাইন বজাৰত বিক্ৰীৰ বাবে উলিয়াই অনা হৈছে বুলি জানিব পৰা গৈছে। এয়া নিশ্চয় আশাৰ বতৰা বুলি ক'ব লাগিব। যদি এয়া সত্য হয় তেন্তে অসমীয়া সমাজৰ লোক ইয়াৰ পৰা উপকৃত হোৱাৰ সম্ভাৱনা আছে।
এই বিষয়ে আমাৰ চৰকাৰে দৰিদ্ৰ নিবনুৱা সকলক প্ৰশিক্ষণ দিয়াৰ ব্যৱস্থা কৰি আৰ্থিক সাহায্য আগবঢ়ালে নিশ্চয় উদ্যোগ স্থাপন কৰিব পৰাৰ থল আছে আৰু নিবনুৱা সমস্যা সমাধানৰ দিশেৰে অগ্ৰসৰ হোৱা সম্ভাৱনা আছে।
চৌকাৰ চাই চৌকাৰ চাই চৌকাৰ চাই চৌকাৰ চাই
++++++++++++++++++++++++++++++++
