আশাৰ শেতেলিত কবিতাৰ ছন্দ লাগি
লিখি যাম কবিতাবোৰ অহৰহ
তোমাৰ প্ৰেৰণাৰ বুকুত
আলফুলে খামোচি
শব্দৰ মায়া লাগি
পূৰ্ণ হ'ব যৌৱনৰ টঙী ।
নিৰ্জন দুপৰীয়া এটাত
প্ৰেমৰ অভিধানত
শব্দৰ লেচেৰি বুটলি
সজাম জীৱনৰ মধুময় কবিতা
পূৰ্ণ হ'ব যৌৱনৰ হেঙুলীয়া আশা ।
এনেকৈয়ে কবিতাবোৰে
পাহ মেলিব জীৱনৰ কোঁহে কোঁহে
খৰিকাঁজাইৰ ফুল হৈ নাচিব
মধুময় স্বপ্নৰ ৰাগিত
সুখে বাহ সাজিব আশাৰ শেতেলিত
কবিতাৰ ছন্দ লাগি।।
----++++----
No comments:
Post a Comment
dudulsonowal32@gmail.com