খেতিৰ দিহা::
প্ৰাণীৰ দেহত বিভিন্ন ৰোগ থকাৰ লগতে ইয়াৰ প্ৰতিকাৰৰ ব্যৱস্থাও আছে । ঠিক একেদৰে বিভিন্ন শস্যতো বিভিন্ন ৰোগ আছে। তদুপৰি বিভিন্ন প্ৰজাতিৰ পোক পতঙ্গয়েও শস্য অনিষ্ট কৰে। ইয়াৰো প্ৰতিবিধানৰ উপায় আছে। তলত বিভিন্ন প্ৰকাৰৰ শস্যৰ ৰোগ, আক্ৰমণকাৰী পোক পতঙ্গ আৰু ইয়াৰ প্ৰতিৰোধ ব্যৱস্থা সম্পৰ্কে আলোচনা কৰা হ'ল।
বিভিন্ন শস্য, পোকপতঙ্গ আৰু প্ৰতিকাৰ ::
১/ধান = ধানৰ অনিষ্ট কাৰী পোক পতঙ্গ হ'ল- মজাখোৱা, চৰহা, গান্ধীপোক , কাকতীফৰিং ,শস্যকৃমি আদি। বিভিন্ন জৈৱিক আৰু ৰাসায়নিক ঔষধৰ সহায়ত এই পোক পতঙ্গৰ পৰা হাত সাৰিব পাৰি।
ৰাসায়নিক ঔষধ - মালাথিয়ন, চুমিথিয়ন,ডাইমিক্ৰণ আদি।
২/সৰিয়হ: সৰিয়হত আক্ৰমণ কৰা পোকৰ ভিতৰত - মোৱাপোক, চফ্লাই আদিয়েই প্ৰধান। ৰাসায়নিক দ্ৰব্য ব্যৱহাৰ কৰি এই পতঙ্গৰ পৰা ৰক্ষা পাব পাৰি।
ৰাসায়নিক ঔষধ হ'ল -- মালাথিয়ণ, ৰগৰ, ডাৰ্চবান আদি।
৩/মাহজাতীয় শষ্য: এনে শস্যবোৰত আমনি কৰা অনিষ্ট কাৰী পোক পতঙ্গৰ ভিতৰত ছেঁই বিন্ধা, ভূঁৰ পোক আদি।
ৰাসায়নিক ঔষধ:: মালাথিয়ন, নূভান আদি।
৪/ আলু : আলুৰ ঘাই শত্ৰু হ'ল ৰঙা পৰুৱা। মাটিৰ তলত আলু হোৱা লগে লগে এই পোকবিধে খাই মাটিৰ তলতে আলু নষ্ট কৰি পেলায়। সেমেকা মাটি হ'লে কেঁচু আৰু কুমটিয়েও বাহ লৈ আলু নষ্ট কৰে। ইয়াৰোপৰি নিগনি আৰু উকোটোনা ( এবিধ নিগনিৰ দৰে প্ৰাণী, ই মাটিৰ তলত থাকে।আলু খাই নষ্ট কৰে।) আদিয়েও আলু খাই নষ্ট কৰে।
ৰাসায়নিক ঔষধ :: ৰাসায়নিক ঔষধ হ'ল ফোৰেট। ফোৰেট মাটি চহাওতে মাটি লগত মিহলি হোৱাকৈ ছটিয়াই দিব লাগে। তেতিয়া ৰঙাপৰুৱা আতঁৰে।
৪/ ঘেঁহু, শাক-পাচলি,নেমুটেঙা ::
ইহঁতক আক্ৰমণ কৰা পোক হ'ল - শস্যকৃমি।
শস্যকৃমি গা-গছ বা গছৰ পাতৰ মাজত সোমাই যায় আৰু পাছত আক্ৰমণ কৰে।
ৰাসায়নিক ঔষধ--ক্লৰপিক্ৰিন আৰু ফুৰাদন আদি।
ইয়াৰোপৰি শস্যত বিভিন্ন ধৰণৰ ৰোগ হোৱা দেখা যায়। বতৰৰ তাৰতম্য আৰু মাটিৰ গুণাগুণৰ ফলস্বৰূপে এনে বিভিন্ন ৰোগ হ'ব পাৰে।
১/ধান -- ধানত হোৱা বোগবিধৰ নাম হ'ল- ব্লাষ্ট।
প্ৰতিকাৰ
২/ কুঁহিয়াৰ : কুঁহিয়াৰত হোৱা ৰোগ বিধৰ নাম হ'ল ৰেডৰট ৰোগ। এই ৰোগৰ ফলত কুঁহিয়াৰ জোপা লেৰেলি শুকাই যায়। পাতত বগা চামনি পৰে।
প্ৰতিৰোধৰ উপায়: ডাইইথেন এম-৪৫ নামৰ ঔষধবিধ পানীত মিলাই গোটেই গা-গছত স্প্ৰে কৰি তিয়াই দিব লাগে।
৩/ আলু :: বিশেষকৈ আলুত দেখা দিয়া ৰোগবিধ হ'ল-- ব্লাইট। এই ৰোগৰ ফলত আলু গেলি যায় আৰু বাঢ়িব নোৱাৰে।
প্ৰতিকাৰ ::
এই আলু শস্যতো কুঁহিয়াৰৰ ঔষধ বিধকেই ব্যৱহাৰ কৰা হয়। অৰ্থাৎ ডাইইথেন এম 45 আদি।
সৰিয়হৰ গছ
+++++++++++++----+++++++++++++++
No comments:
Post a Comment
dudulsonowal32@gmail.com