ঘৰত এই পাঁচ জোপা গছ ভুলতেও নাৰাখিব, হ'ব পাৰে অমঙ্গল ! Don't keep these five trees in the house by mistake,it can be bad.

🌷🌷🌷🌷🌷🌷🌷🌷🌷🌷🌷🌷🌷🌷🌷🌷

      বাস্তু শাস্ত্ৰৰ মতে কোন বিলাক গছ ঘৰত ৰাখিব লাগে আৰু কোন বিলাক গছ ৰখা উচিত নহয়, আপুনি জানেনে ? সাম্প্ৰতিক সময়ত আমাৰ প্ৰায় ভাগ মানুহে ঘৰ সজোৱাৰ নিমিত্তে কিছুমান গছ টাবত লগাই লয়। সৌন্দৰ্যৰ বাবে আমি বাচ-বিচাৰ নোহোৱাকৈ গছ বিলাক আনি ৰোপন কৰি ড্ৰয়িং কক্ষত থওঁ। আনকি শোৱনি কোঠাতো কিছুমানে ৰাখিবলৈ লয় ।

      কিন্তু এনে কিছুমান গছ আছে যাৰ পৰা আপোনাৰ গৃহৰ বাবে একেবাৰে শুভ নহয়। সেয়ে গছ কিনাৰ আগতে আমি ভালগছৰ সম্পৰ্কে থকা তালিকা খন প্ৰথমে নিৰীক্ষণ কৰি লোৱা উচিত। তেতিয়া কোনবোৰ গছ কিনাটো একেবাৰে বেয়া গম পোৱা যায়। নাৰ্ছাৰিৰ পৰা কেতিয়াও ঘৰ সজাবলৈ কাৰণে বনচাই, কেকটাছ,মেহেন্দি,মৃত গাছপালা বা তুলাগছ কিনি আনিব নালাগে। যিবিলাক গছ কিনিব সেইবিলাক গছ আপোনাৰ ঘৰৰ পশু পখীৰ বাবেও উপযুক্ত হ'ব লাগে । এই কথাটো কিনাৰ সময়ত মনত পেলোৱা উচিত।

      কিছুমান গছ আছে মানুহৰ বাবে একেবাৰে অপকাৰী। তদুপৰি পোহনীয়া জীৱ জন্তুৰ বাবেও সেইবোৰ লাভজনক নহয়। বৰঞ্চ আপোনাৰ কিছু ক্ষেত্ৰত হানি বিঘিনি হোৱাৰহে সম্ভাৱনা আছে। সেই গছবোৰ কি কি হ'ব পাৰে আৰু আপুনি ঘৰত ক্ষতিকাৰক গছবোৰ কেনেদৰে ৰাখিব লাগে জানি লওক -

      গছ লগোৱা সময়ত তলত দিয়া কথাবোৰ অনুসৰণ কৰক -

      ১/ সাৰ আৰু পাত্ৰৰ মাটি শিশুৱে যাতে সহজতে ঢুকি নাপায় তেনে স্থানত ৰখা উচিত।

      ২/যদি উদ্ভিদবোৰত পোক পতংগই বাহ লয়,যিমান সম্ভৱ সোনকালে পতংগবোৰ আতৰোৱাৰ ব্যৱস্থা কৰক।

      ৩/ফাটি যোৱা আৰু পকা পাতবোৰ আঁতৰাই পেলাওক।

      ৪/ডাঙৰ গছ বা মাটি খামোছ মাৰি ধৰি ৰখাৰ বাবে আপুনি ব্যৱহাৰ কৰা ডাঙৰ টাব বা পাত্ৰবোৰ আগতীয়াকৈ পৰীক্ষা কৰক। পৰি যোৱাৰ আশংকা আছে নেকি (?) তাক পৰীক্ষা কৰি হ'ব পৰা বিপদৰ পৰা ৰক্ষা পৰক।

      ৫/ গছ ৰোপণৰ পাত্ৰবোৰ মাটিৰ ওপৰত ৰাখিবলৈ প্ৰয়াস কৰক । কিয়নো বহু সময়ত যদি গছৰ তলত থাকে ঘৰৰ মজিয়াত পৰি লেতেৰা কৰিব পাৰে। তেতিয়া ঘৰ অপৰিষ্কাৰ হ'ব লগতে পকাখনো ক্ষতিগ্ৰস্ত হ'ব পাৰে।

      আপুনি এতিয়া জানক কোনবিলাক গছ আপুনি ঘৰত ৰোপন কৰিব লাগে আৰু কোনবিলাক গছ ৰোৱা অনুচিত।-

      ১/ অমৰান্হুছ গছ আপুনি দেখিছেনে ? এই গছ দেখিবলৈ অতি ধুনীয়া। বহু মানুহে আলহী কক্ষত সজাবৰ বাবে ইয়াক বজাৰৰ পৰা কিনি আনে। কিন্তু আপুনি জানিলে মনত দুখ অনুভৱ হ'ব, যিহেতু এই গছ ভিতৰত নতুবা বাহিৰত কতো ৰাখিব নালাগে। কাৰণ ইয়াৰ ফুল নানা ৰোগৰ বাহক। বহুলোক ইয়াৰ পৰা আক্ৰান্ত হয়। বিশেষকৈ এলাৰ্জি ৰোগ এই ফুলৰ গোন্ধৰ পৰা হয়।

      ২/ আলোভেৰা বা এলোভেৰা গছ আপোনাৰ ঘৰৰ বাবে কিমান ভাল আপুনি জানেনে ? বিশেষকৈ মানুহৰ ছাল, চুলি, আৰু শৰীৰৰ বাবে এই গছৰ ৰস ব্যৱহাৰ কৰা হয়। ই অক্সিজেন গেছো যোগান ধৰিব পাৰে। কিন্তু জন্তুৰ বাবে এই গছ একেবাৰে উত্তম নহয়। পোহনীয়া জন্তুৱে আলোভেৰা গছৰ ৰস 'লেটিচ' খালে বেয়াকৈ পেট চলা বেমাৰ হয়। সেয়ে ঘৰত গছজোপা ৰাখিলে আপোনাৰ পোহনীয়া জন্তুৰ পৰা দূৰৈত ৰাখিব লাগে।

      ৩/ ক্যালাডিয়াম গছ কিমান বিষাক্ত আপুনি জানেনে ? যদি আপুনি এই গছজোপা ভাল স্থানত লগাইছে তেন্তে দেখিব ই সচাকৈয়ে বৰ সুন্দৰ পৰিৱেশ সৃষ্টি কৰিছে। ইয়াৰ ৰঙা, গুলপীয়া আৰু বগা ফুলে আপোনাৰ ঠাইখনৰ পৰিৱেশ সৌন্দৰ্যই ভৰাই পেলাব। কিন্তু এই গছ মানুহৰ আৰু পোহনীয়া জন্তুৰ বাবে অতি ভয়ানক হ'ব পাৰে। যদি কেনেবাকৈ ইয়াৰ ৰস জিভাত লাগে তেন্তে তাৰ মৃত্যু নিশ্চিত। সেয়ে এই গছ ৰুলে জন্তু আৰু শিশুৰ পৰা ৰাখিব লাগে।

      ৪/ লিলি গছ আপুনি দেখিছেনে ? লিলি অতি সুন্দৰ গছ। হ'লেও ই আপোনাৰ ঘৰলৈ বিপদ মাতি আনিব পাৰে। বহুলোকে এই গছ নিজৰ বাগিচা প্ৰস্তুত কৰিবলৈ আনে, কিন্তু এই গছ অতি বিষাক্ত। বিশেষকৈ কুকুৰ, মেকুৰীৰ বাবে অতি ভয়ানক। ইয়াৰ ৰস কুকুৰ মেকুৰীৰ গাত লাগিলে ইহঁতৰ চাল পৰ্যন্ত চিঙি যাব পাৰে। সেয়ে সদায় পোহনীয়া প্ৰাণীৰ পৰা ইয়াক দূৰত ৰাখক।

      ৫/ ইংলিছ আইভি এবিধ সৌন্দৰ্য বৰ্ধক গছ সেয়ে মানুহে এই গছ ঘৰত লগাবলৈ আনে। এনেধৰণৰ গছে আপোনাৰ ঘৰৰ সকলোকে উশাহ নিশাহ লোৱাত সহায় কৰে। কাৰণ এই গছে যথেষ্ট পৰিমাণে অক্সিজেন যোগান ধৰিব পাৰে। সেয়ে বহুলোকে ঘৰত এই গছ ৰোপণ কৰিবলৈ আনে। কিন্তু অতি বেয়া লগা কথা হ'ল যে এই গছৰ পাতবোৰ হ'ল ৰোগৰ বাহক। ইয়াৰ পাত মানুহৰ গাত লাগিলে ছালৰ ৰোগ হয়। ছাল জ্বলা পোৰা কৰে। সেয়ে সাৱধানে ঘৰত এই গছ ৰাখিব লাগে।

   ফুল হৈছে সৌন্দৰ্যৰ প্ৰতীক। ফুলে ঘৰুৱা পৰিৱেশ সুন্দৰ হোৱাত সহায় কৰে। বায়ূমণ্ডলত উৰি ফুৰা ধূলি বালি ধৰি ৰাখি ঘৰৰ ভিতৰৰ পৰিৱেশ তথা বায়ু নিৰ্মল হৈ থকাত সহায় কৰে। সেয়ে আমি ঘৰৰ চৌহদত ফুল লগাব লাগে। 

   

প্ৰৱন্ধটো পঢ়ি ছোৱাৰ বাবে আপোনাক অশেষ ধন্যবাদ জনালো। লেখক: দুদুল সোণোৱাল ।

🌴🌴🌴🌹🌹🌹🌹🌴🌴🌹🌹🌹🌹🌴🌴🌴