মদ , আমি আৰু আমাৰ সমাজ ! বৈজ্ঞানিক দৃষ্টিভঙ্গীৰে সংক্ষিপ্ত আলোকপাত

    প্ৰথম অংশ   

      

     বিখ্যাত  দাৰ্শনিক প্লেটোৱে কৈছিল যে মদেই হৈছে ঈশ্বৰে উপহাৰ দিয়া সৰ্বোৎকৃষ্ট সামগ্ৰী । কিন্তু কিয়,? দাৰ্শনিক জনৰ কালছোৱাত হয়তো আজিৰ দৰে অগণন প্ৰকাৰৰ মদৰ প্ৰচলন নাছিল। ধুনীয়া ধুনীয়া পৰিপূৰ্ণ বটলেৰে ৱাইন শ্ব'প, বিয়েৰ বাৰ বা অনেক মদৰ হোটেল সেই সময়ত নাছিল। অথবা নাছিল নিজ ঘৰতেই চুলাইৰ ভাটি বা গোটাই লোৱা শুকান বাদাম, কাজু বা চিপছৰ পেকেট।যাৰ বাবে প্লেটোৱে দিবলগা হৈছিল এনে ধৰণৰ এটা উক্তি যিটো আজিৰ দিনত অনৰ্থক ,অযুক্তিকৰ বুলি ভাবিবলৈ বাধ্য হ'ব লগা পৰিস্থিতিৰ উদ্ভৱ হৈছে।

       মদৰ সমাজত দুচাম মানুহৰ পৰিলক্ষিত হয়। এচামে নিজৰ প্ৰতিপত্তিৰ উমান দিবলৈকে মদৰ ব্যৱহাৰ কৰে। আনকি এইচাম লোকে আলহী অতিথিকো ৱাইনেৰে আতিথ্য দিবলৈ কৃপণালি নকৰে। অৱশ্যে সকলোৱে যে তেনে সেইটোও নহয়। গ্ৰাম্য অঞ্চলৰ বিষয়ে প্ৰায় লোকৰেই বিদিত যে পুৱা বাহিমুখ ধূবলৈ পায় কি নাপায় লগে লগে মদৰ বাতিটোত চুমুক এটা পৰেই। গ্ৰাম্য অঞ্চলৰ বিশেষকৈ সমাজৰ কোনো কাম বা ব্যক্তিগত সকাম-নিকাম‌তো মদৰ ব্যৱহাৰ উল্লেখনীয়।

      আনহাতে আৰু এচাম লোক এই সমাজত আছে, যিলোকৰ খাবলৈ এমুঠি চাউলৰ বাবে অহনিৰ্শ চিন্তা তথা পুষ্টিকৰ খাদ্যৰ অভাৱে জুৰুলা কৰি মাৰিছে। এইচাম লোকে সাধাৰণতে বিত্তৰ এই অভাৱক মষিমূৰ কৰিবৰ বাবে মদৰ ব্যৱহাৰ বা মদ বিক্ৰীৰ কামত নিজকে নিয়োজিত কৰি আহিছে। দুয়োৰে উদ্দেশ্য পৃথক হ'লেও কিন্তু একেবিধ দ্ৰব্যৰ সৈতে সহবাস কৰিছে।                 

        অসমীয়া সমাজত এনেও মদৰ ব্যৱহাৰ বাধ্যতামূলকৰ দৰে বুলি ক'লেও অত্যুক্তি কৰা নহয়। সোণোৱাল কছাৰী , দেউৰী,বড়ো , মিচিং, আহোম, .... আদি লোকসকলে ইহঁতৰ প্ৰায়ভাগ সকাম-নিকামেই মদৰ জৰিয়তে পাতে। গতিকে এই সকল লোকৰ বাবে মদৰ মূল্য আছে। হ'লেও মদ ব্যৱহাৰ কৰিব যোৱাৰ আগতে আমি কিছু কথা চিন্তা কৰা উচিত হ'ব। মদৰ সহায়ত (নীতি নিয়ম অনুসৰি) এখন সকাম চলাবলৈ যাওঁতে বিশেষকৈ লক্ষ্য কৰা উচিত ইয়াৰ পাছৰ পৰিস্থিতি। মদ মানে নিচা। নিচা মানেই বুজিব লাগিব মানুহজন এক অচেতন অৱস্থালৈ আৰোহণ কৰা। যি সময়ত মানুহ এজনৰ মন উত্তাল আৰু উষ্ণ কৰি ৰাখে। তেনে সময়ত অলপীয়া কথাৰ গোলমালতেই যে সমাজত সাধাৰণ তৰ্কা-তৰ্কিৰ পৰা ডাঙৰ হাই-কাজিয়ালৈ পৰ্যবসিত হয় সেইটো নিশ্চয় আপোনালোকৰ সকলোৰে জ্ঞাত বিষয়। তেনে সময়ত সৰুৰ পৰা ডাঙৰলৈকে মদ সেৱনৰ পৰা কোনো এজন বাদ পৰি নৰয়।সেৱন কৰাৰ পাছমূহূৰ্তত আকৌ সৰুৱে ডাঙৰক অথবা ডাঙৰে সৰুক চিনি নাপাই অপমান কৰা, অশ্লীল শব্দ প্ৰয়োগেৰে পৰিৱেশ বিনষ্ট কৰা ধৰণৰ পৰিস্থিতিও উদ্ভৱ হোৱা পৰিলক্ষিত হয়। যি কি নহওঁক, মদৰ ব্যৱহাৰ কিন্তু অসমীয়া সমাজতহে ঘাইকৈ প্ৰচলন হোৱা দেখা যায়।যিটো অসমীয়া সমাজৰ বাবে দুৰ্ভাগ্যজনক বুলি আখ্যা দিব পাৰি।এই সামগ্ৰীবিধৰ মমতাত পৰি বহুলোক আনকি ইহ সংসাৰ ত্যাগ কৰিব লগা পৰ্যন্ত হৈছেগৈ।মদৰ লালসাত পৰিয়েই বহু গিৰিয়েকে ঘৰ-বাৰীৰ লগতে মৰমৰ পত্নীকো ত্যাগ কৰা দেখা যায়। আনহাতে কিশোৰ কিশোৰী চামৰ নকলোৱেইবা ! অৰ্থাৎ ক'ব পাৰি যে যদিও ইয়াৰ ব্যৱহাৰ পূজা-অৰ্চনাৰ বাবে কৰা হয় তথাপি কিন্তু ইয়াৰ ব্যৱহাৰ নিজৰ লগতে সমাজৰ অতিশয় হানিকাৰক দ্ৰব্য হিচাপে চিহ্নিত হৈছে যিটো সকলোৰে জ্ঞাত।     

মদ মানে কি ?

ৰাসায়ন বিজ্ঞানৰ দৃষ্টিত ই এক সাধাৰণ জৈৱ ৰাসায়নিক পদাৰ্থ। এটা কাৰ্বন পৰমাণুৰ সৈতে এটা বা কেইবাটাও হাইড্ৰ'ক্সিল গ্ৰুপ জোৰা লাগি ই গঠিত হয়। অৱশ্যে এলক'হল বুলি কওঁতে সাধাৰণ অৰ্থত আমি ইথাইল এলক'হলকহে বুজো। বৰ্তমান মদ বা সুৰা শব্দটোৰে আমি ৱাইন, হুইস্কি,ব্ৰাণ্ডিৰ পৰা চুলাই মদলৈকে সকলোবোৰ সামৰি ল'ব পাৰো। কিন্তু ইয়াৰ প্ৰকাৰৰ বিভিন্নতা আৰু এলক'হলৰ ঘনত্ব অনুযায়ী মদক এক বিশিষ্ট নামাকৰণ কৰা হয়। বিজ্ঞানীৰ পৰীক্ষা অনুসৰি ৰাম ,হুইস্কি ,ব্ৰাণ্ডি - ৪২.৮% ,জিন -৪০.৮% (প্ৰায়) ,  ৱাইন ৮ পৰা ১৫.৫% , বিয়েৰ - ২ ৰ পৰা ১০% , ঘৰুৱা চুলাই বা মদ - ১১.৪% ৰ পৰা ৪৫.৭% লৈকে ঘনত্ব দেখা যায়। 

       মদৰ পৰা হ'ব পৰা উপকাৰ : ইয়াৰ সকলোবোৰ প্ৰভাৱে যে বেয়া তেনেও নহয়। এলক'হলৰ আমাৰ শৰীৰৰ ওপৰত একাধিক উপকাৰী অৱদানো আছে আৰু এইবোৰ কোনোপধ্যে উলাই কৰিব পৰা বিধৰ নহয়। এটা কথা সত্য যে To much of everything is bad । অৱশ্যে সকলো ক্ষেত্ৰতেই অতিমাত্ৰা ক্ষতিকাৰক। বিজ্ঞানসন্মতভাৱে দুটামান কথা অৱশ্যে জানিব পাৰিছো । সেয়া হ'ল- প্ৰথমতে, এলক'হলে শৰীৰৰ উচ্চ ঘনত্বৰ লাইপ'প্ৰটিন বঢ়াই দিব পাৰে। এইবিধ শৰীৰৰ বাবে উপাদেয় চৰ্বি। ক্ৰমশঃ>

দ্বিতীয় অংশ পঢ়িবৰ বাবে ইয়াত ক্লিক কৰক--

https://anuragblogadress.blogspot.com/2020/06/blog-post_24.html?m=1