এজাক বৰষুণৰ প্ৰয়োজন
এজাক বৰষুণৰ প্ৰয়োজন
দোপালপিটা বৰষুণ
কলহৰ কাণেঢলা বৰষুণ !
ধুই নিয়ক মানুহৰ মনৰ মলিনতা
অসূয়া অপ্ৰীতি হিংসা দ্বেষ খেয়াল কপটতা ..
কুৎসা ৰটনা বৈষম্যৰ কুটিল ভেদভাৱ উটুৱাই নিয়ক
চৌদিশ নিকা কৰি
মানুহৰ বুকুৱে বুকুৱে বৈ আহক
সম্বন্বয়ৰ মন্দাকিনী
বিশ্বাসৰ মন্দাকিনী
প্ৰেমৰ মন্দাকিনী
সময় সতেজ কৰি ..
ৰাজনীতিৰ পঙ্কিলতা সমাজনীতিৰ মলিনতা
ধুই নিকা কৰক দে'
এজাক মানৱতাৰ বৰষুণ
চৌপাশ সজীৱ কৰি
কলুষতা আঁতৰাই উদয় হওঁক ন'কৈ
হিৰণ্ময় জোনাকৰ আশাৰ ৰবি !!
সময় ১১.৩০ পুৱা
দিনাংক ২৮/০২/২০২১
No comments:
Post a Comment
dudulsonowal32@gmail.com